الشاعر عبدالرحمن سعود العتيبي يمثل أهالي طريف ويلقي قصيدة حفل استقبال سمو أمير المنطقة الجديد

القى شاعر الوجدان الشاعر عبدالرحمن بن سعود صقر العتيبي قصيدة الحفل الكبير الذي أقامه أهالي منطقة الحدود الشمالية في قاعة الإحتفالات في عرعر لإستقبال سمو أمير منطقة الحدود الشمالية الجديد الأمير مشعل بن عبدالله بن مساعد آل سعود والذي وصل للمنطقة يوم اول من أمس لإستلام مهام عمله الجديد .

والقى الشاعر العتيبي قصيدة الحفل الرئيسية ضمن فقرات الحفل الذي أقيم بهذه المناسبة

وقال فيها :

لا اله الا هو الواحد الفرد الصمد
نستظل بظل ظله يوم لاظل ٍ سواه
الوطن في حمى الرحمن ثم حكام السعد
والله انه خاسين منهو بطماعه نواه
دونه اللي لاشهر يشبع الناظر هدد
ماتهيّبه الحروب وويل منهو في رحاه
دونه اللي ذوق الخاين نهار ٍ من نكد
مايلين لباغي الفتنه ولا يدمح خطاه
عينن يكحلها غلا عينن يساقيها رمد
سلم ٍ لمنهو سالمه نار توقد في عداه
عشت ياسلمان السياسة وحلال العقد
سطري بالمجد أسمه يادواوين الرواه
محمد وليّه بالعهد والشبل من ذاك الاسد
سيفٍ مضاريبه تقص العظم من قوة سطاه
وعلى الدفاع الفيصلي لامنه احجاجه عقد
دون داره بطشته بالموت ترهب من غزاه
ومرحوم ياصقر الشمال اللي توارا باللحد
مالوم مشرف لوبكى من فقد عبدالله نعاه
اسس مصانع تنميه شيد صروحٍ للوعد
فاتحٍ للناس بابه في صباحه في مساه
مع مدلهمات المواقف راسخٍ رايه جلد
لو بذلنا في دعانا والله فلا نلحق جزاه
ياجعلها تمطر على قبره مرازيم البرد
والعوض فيك ياضلعٍ تواسى في بناه
أشهد أنك ياسليل المجد فيك المعتمد
من لنا غيرك يامشعل يعوض في عزاه
انت حلماً للشمال وانت فخراً للبلد
وانت أميراً رقى بالعلم عالي مستواه
شبيت لك صدري شعر فجرتلك قافي رعد
لازما نجمك سما وشلون ابلحق منتهاه
ماني بأول من مدح ولاني بأجزل من قصد
لاكنها فرصة عمر واصف سموك في بهاه
اعزم على منت بتبي حنا معك عضد وسند
طبع الشمالي لرتكى للحمل ياصل مبتغاه
نبقاء على نهج السلف متوارثينن بالعهد
جيلٍ تغذاء حبكم والله فلأ يغير ولأه
واليوم حنا بالرخى من فضل ربي في رغد
بالأمن ننعم في وطنا ونحيا في ربااه
وختامها صلوا عدد من طاف بالبيت وسجد
على الرسول الهاشمي أزكى التحايا والصلاة