أخبارية طريف:فهد الدغماني  

بسم الله الرحمن الرحيم

من لا يشكر الناس لا يشكر الله قبل أيام قليله زرنا طريف واكرمونا بما هو معهود منهم وما يحكى عنهم ومن هذا المنبر أتقدم لهم بجزيل الشكر وسأعبر عن ما يضمره صدري بأبيات ليست بحقهم ولكن بعض المشاعر القلبيه

أكرمكم الله يالرجال المشاكيل
يا أهل طريف المرجله والحميّه
أنتم أهل العليا الرجال الحلاحيل
وأنتم أهل مدة كرم حاتميه
نهر مكارم فوق دجله على النيل
ومحزم ظهر يطغى طويق وطميّه
يا ماجد الشومي رجح يمك الكيل
ولا هان أبو سلطان مسند خويّه
وطايل أبو نايف ولا فيه تقليل
ومحمد مقيبل زبون الونيه
ومعهم أبو كادي شبيه الهماليل
وسلطان سلطان السعد كل هيّه
والمعذره للي نسيته بما قيل
كلن له المعروف بالمعنويّه
في وسطكم شفنا حلاة التعاليل
من صبحنا لين المساء والعشيه

هكذا عبر الشاعر نواف بن متعب الفريدي عن مشاعره لطريف وأهلها.

بينما رد عليها الشاعر ماجد الشومي وقال:

يابو وليد أبيات شعرك مع الليل
جتني ومعاها كل سلام وتحيه **

وأنت الصديق الوافي وفارس الخيل
وطير الخلا مثلك.. وفعلك سميّه **

معك يزين الليل وقت التعاليل
لا صرت عندي ليلتي حايليه **

وأن رحت يبقى في نفوس الرجاجيل
لك الغلا والود والمقدريه **

دامك من رجال ٍ بها يعدل الميل
ووزنك .. ثقيل .. و كلمتك منطقيه **

وحنا معك .. من أسفل القاع وسهيل
خذها .. بطول وعرض صبح ومسيه **
ماجد الشومي البلعاسي الرويلي

وقال الشاعر  احمد بن بدر الحويفي :

أكرمكم الله يالرجال المشاكيل
قد قالها قبلي زبون الونيه

الوافي اللي مع أبويه وفاء الكيل
حرن وهوماته كبار وقويه

ولاعندنا على الفريدي تكاميل
أوفى وكمل بالبيوت النقيه

مدح هل العليا كرامن حلاحيل
اهل طريف اللي لهم مقدرية

عيال وايل ذكرهم كنه سهيل
لامع لميع سهيل بالخرمسيه

أهل النقاء واهل الوفاء والتنافيل
ونفوسهم للضيف رفضه رضيه

من أول الدنياء الى تالي الجيل
وافين بالاسلام والجاهليه

بيوتهم ينفد بها البن والهيل
من دون واجبهم هممهم قويه

ويزين باهل طريف بدع التماثيل
اهل الطناخه والفعول الوفيه

ونشكر محافظهم بعيد المناويل
بدر العتيبي له سلام وتحيه

اللي بفعله جمل طريف تجميل
ومواصل جهوده صباح وعشيه

طور معالمها وزال العراقيل
وخلى مناظرها جميله بهيه

ولد نجر ماهو ولد بارد الحيل
وكر الحرار الندر الصيرميه

عسى ديار أهل المواجيب للسيل
وتعلها غرّ المزون الرويه

ومن الضحى يركد الى تالي الليل
على شمال طريف للجندليه

ويردم عقابه بأمر منشي المخاييل
من أسفل الوادي لنجد العذيه

احمد بدر الحويفي