شعراء محافظة طريف يرثون فقيد الأمة الملك عبدالله رحمه الله بقصائد شعرية

" style="border-radius: 50%;width:50px;height:50px;" alt="allordturaif" title="allordturaif" />

تسابق شعراء محافظة طريف المعروفين هذا اليوم برثاء فقيد الأمة خادم الحرمين الشريفين الملك عبدالله بن عبدالعزيز آل سعود رحمه الله بعدة قصائد عبرت عن مدى الحزن العميق الذي حل في قلوب الشعب السعودي كافة

بداية مع الشاعر مليح عياف الرويلي والذي رثى خادم الحرمين بهذه الأبيات

ماتت عزومي يامليكي وجيتك
مشاعرٍ تطعن بحزن الخناجر
بدموع عيني ياحبيبي رثيتك
دمعٍ يفيض وماقوته المحاجر
غصب على خشم المشاعر بكيتك
واحسّ روحي بالغه للحناجر
في دعوة الأيتام ياما لقيتك
وفي سلعة الرحمن دايم تتاجر
الله يجعل جنة الخلد بيتك
ولو مت منّا ماتروح وتهاجر

اما شاعر الوجدان الشاعر عبدالرحمن العتيبي فقد رثى فقيد الأمة بهذه القصيدة

ياعين هلي دموعك وانثري ماها

الموت غيّب حبيب الشعب عبدالله

مالوم روحي من الاحزان تصلاها

والقلب في روحته كنه على مله

المملكه من غيبته ياكبر بلواها

تنعي مليك ٍ عاشت العز في ضله

محبته عمت جميع الشعب برضاها

سطئ بقلب السعودي ود وأحتله

تبكي عليك الخيل يافارس مطاياها

ياحامي عرا الدين والاسلام والمله

من غيرك تصدى للاعداء في نواياها

يامودع ٍ قلب الحسود يموت في غله

ياللي لخطايا شعوب الارض ترفاها

يومك غديت لضعيف الحال مزبن له

وهنا قصيدة للشاعر بندر الزومان

راح الذي بأسمه تغنوا ملايين
اللي لشعب المملكة صار خادم

خادم وله هيبه تهز السلاطين
طيب وفي معروف عند الملازم

نبكيه حنا والثكالى المساكين
الوالد العادل الوافي الحاكم

وهذه قصيدة للشاعر سلطان مداد الرويلي

مرحوم ياللي محجره يذرف الدمع
قلبه رحوم وياسع الشعب كله
حبه لزق بقلوبنا لزقة الشمع
لو تجتمع كل العرب ماتحله
عسى جنان الخلد تطرب له السمع
و عسى الولي يغفر له الذنب كله

وأضاف الشاعر علي سراي الماجدي هذه القصيدة

قالوا رحل ماله علينا رجوعي!!
ذاعوا رحيله عبر نشرات الاخبار!!
فتحت تلفاز العنا والفجوعي!!
اشوف صدق القول مارد الاقدار!!
لقيت صورة سيدي في طلوعي!!
في ذمة انتقل والقدر صار!!
جاه الاجل والموت مابه جزوعي!!
حقاً كتبه الله على كل الاطوار!!
لاكن عيني حودرت بالدموعي!!
عبرة غلا طاحت من العين تذكار!!
ذكرة وقفاته بصدقاً وطوعي!!
للشعب ساعات المصايب والاخطار!!
وقف معاهم بالوفاء والنفوعي!!
ورها على شعبه من الخير مدرار!!
امن وامان انعام من كل نوعي!!
من فضل رب البيت تنعم به الدار!!
يوم الشعوب ابها مصايب وجوعي!!
حنا بفضل الله بنعام نختار!!
من طيب حكاماً الشرعه شروعي!!
دستورهم قرآن رباً لنا شعار!!
على كتاب الله حكمهم تبوعي!!
والسنه الغراء لهم هدي وذكار!!
ياعين هلي لوضميري قنوعي!!
يستاهل نمشي من دموعنا نهار!!
مالوم دمعي به ولالوم روعي!!
هد الحزن حيلي على فرقت البار!!
خير الملوك اللي بخيره نبوعي!!
تفجرت خيرات كفه بالانثار!!
فيضه قراح ارتوت به انجوعي!!
من كل فجاً مي صافيه سيار!!
الله يعوضنا بخوه البتوعي!!
سلمان حيا الراس في كل مختار!!
سلمان سلمان الوفاء له سطوعي!!
في صفحة التاريخ بالمجد بحار!!
شجعاع ماهاب العدى والجموعي!!
حراً نسل صقر الجزيره من حرار!!
به الخلف والخير كله سنوعي!!
خيرات مده للوطن كنها بحار!!
ضافي بخيره كلنا به هجوعي!!
نجدد البيعه على العهد سيار!!
الله يوفق سيدي بالنفوعي!!
عسا دروبه نور ونهار وخضار!!
وثني على بليهان زين الطلوعي!!
مقرن ولي العهد موفيه الاشعار!!
ياسيدي مقرن مقامك طلوعي!!
عالي وجه الله عالي بالاذكار!!
انت الفخر والعز بسمك يفوعي!!
لاقيل مقرن قال ماعنه نختار!!
ومحمد الضرغام سبع السبوعي!
ولي ولي العهد وافي الاشبار!!
نسل الشجاع اللي يفض الجموعي!!
نايف عساه بجنة الخلد له دار!!
ياسيدي والمجد يمك قنوعي!!
يسير في دربك ويعطيك الاشوار!!
وكل السعود رجال عزاً شجوعي!!
مامثله من جيلهم جنس ماصار!!
وختامها تنهتي ياضلوعي!!
على الزعيم اللي حماحرمة الجار!!