اخبارية طريف : منصور المتعب  

القى الشاعر المعروف النشمي بشير الرويلي قصيدة شعرية في حضرة صاحب السمو الملكي الأمير فيصل بن خالد بن سلطان آل سعود وذلك بمناسبة صدور الأمر الملكي بتعيين سموه أميراً لمنطقة الحدود الشمالية .

وقد أقام أهالي عرعر حفلاً بهذه المناسبة تخلله عدد من الملمات والقصائد الترحيبية كان من بينها قصيدة ترحيبية للشاعر النشمي بشير الرويلي قال فيها :

باسم الشمال وقطعةٍ من وطنا حتى اتجاه البوصلة تستثيره
وبأمر الولي رب العباد استعنا يجمع لنا بين البصر والبصيره
يا سيدي سلمان حاكم زمنا نقولها والصوت يسمع هديره
سمعاً وطاعة واسترح واطمئنا نمشى لأجل عينك مسيره مسيره
أبشر بنا دون الوطن مانكنا
ناقف مثل صف الفشق بالذخيرة
واللي على الفتنة يحن ويونا
الله يقطع دابره مع دبيره
برقابنا عهد علينا مثنى
بيعة وفا بالأوله والاخيره
نسوقها بيدين فيصل علنا
باسم الجميع ومنطقتنا قريره
يا مرحبا يا امير فينا ومنا
وانت المعزب للضيوف الغفيره
يا مرحبا بعداد ما ارسل وطنا شجعان للحد الجنوبي مغيره
وياللي تدير الكف هيلٍ وبنا
عنز على فيصل ولا شخص غيره
صبه لامير المنطقة لاتونا
ترسانة الحد الشمالي واميره
حفيد حكام الجزيرة زحلنا
يدحم على الهيبات لو هي عسيره
فيصل ولد خالد عليه نتغنى
يا مجرد سيف الفخر عن جفيره
قولٍ صحيح وربي اللي كفلنا
لا هو نفاق ولا تزلف وغيره
وسلم على راعي الجمايل جملنا شيال عسرات الأمور الكبيره
مشعل بياض الوجه لو راح عنا بقلوبنا سطر للاجيال سيره
وجانا العوض في راس فيصل ياهلنا
والمنطقة في ذمته وبضميره
الليله الليله على ما تمنى
طير السعد غنى ورفرف لطيره
في محفل اللي للمواجيب بنا
بنا بيوت الطيب في كل ديره
تعيش يا صقر الشمال وتهنى بماكر حرار في شمال الجزيرة
وباسم الشمال وقطعةٍ من وطنا اللي تجاه البوصلة تستثيره