ياوطن دام عزك فوق هام السحايٍب
ياوطن فيك أطهر  بقعةٍ في الوجود

الله اللي عطاك المجد عز  ووهايّب
أرض مهد الرسالة والسلف والجدود

من هو  وحّد ترابك بالتعب والحرايب
غير عبدالعزيز  اللي بسيفه  يذود

حاكمً من دهاة العُرب عند النشايب
الله اللي وهب له من عطاه السعود

يابلادي حماك الله شرور المصايب
والله يرد كيد المعتدي والحقود

والله يعز سلمان الفخر بالصعايب
سيدي خادم البيتين عزه يزود

كل شعبه يحبه من شبابً وشايب
كلهم بالشدايد يحتمون الحدود

ومع محمد ولي العهد سارت ركايب
للمهمّه مشينا بكل عزم وصمود

نرفع لسقف الطموح ولا غرايب
بقلب رجال واحد واالعالم شهود

ياوطن دام عزك فوق هام السحايٍب
ياوطن دام عزك في أمان وصعود

خلف راضي الشمري